અહીંયા એ રીતે હું આપણો સંવાદ રાખું છું – ગૌરાઁગ ઠક્કર September 12, 2007
Posted by Bhavin Gohil in અન્ય...trackback
અહીંયા એ રીતે હું આપણો સંવાદ રાખું છું,
બધું ભૂલી જવામાં પણ તને અપવાદ રાખું છું.
તને આપી જવી છે એટલે હું યાદ રાખું છું,
નહીંતર હર ખુશીમાં જાત મારી બાદ રાખું છું.
સરળતાથી મને વાંચી શકે તું એટલા માટે,
હું મારી વારતાનો અશ્રુમાં અનુવાદ રાખું છું.
જો ભીના થઇ શકાતું હોય તો મારી તલાશી લ્યો,
હું મારા એક ખિસ્સામાં સતત વરસાદ રાખું છું.
- ગૌરાઁગ ઠક્કર
અશ્રુમાં અનુવાદ ને વળી ખીસ્સે વરસાદ રાખનારાંની અનોખી સરસ દાસ્તાન !!
good one…..
એક શેર બાકી રહી ગયો…
સ્મરણ પંખી બની મુજ ટોડલે ટહુક્યા કરે તેંથી,
તને સંબંધના પિંજરથી હું આઝાદ રાખું છું.
ગૌરાંગ ઠાકરના પ્રથમ ગઝલસંગ્રહ-મારા હિસ્સાનો સૂરજ-માંથી ચૂંટેલા મોતીઓ માણવા હોય તો -
http://layastaro.com/?p=830
- અને એમના હસ્તાક્ષરમાં લખેલી આવી જ એક જાનદાર ગઝલ માણવી હોય તો એ અહીં ઉપલબ્ધ છે:
http://layastaro.com/?p=867
nice…
Very gud one
આને તો ગઇ કાલે જ ટહુકો પર મુકી છે….