હાથ ક્યાં ક્યારેય તે લંબાય છે – ચિનુ મોદી (ઈર્શાદ) September 17, 2007
Posted by Bhavin Gohil in ચિનુ મોદી (ઈર્શાદ).trackback
હાથ ક્યાં ક્યારેય તે લંબાય છે,
સ્વિચ સાલી, ઓફ જાતે થાય છે !
માત્ર સન્નાટો છવાતો જાય છે,
પાંચ સહિયર સામટી રિસાય છે !
સરમુખત્યારી નથી તો બીજું શું ?
આપણી મરજી ક્યાં પુછાય છે,
આ જગત અદ્દલ અરીસો છે બીજો,
હોય સામે એટલું બિંબાય છે,
છે હજી “ઈર્શાદ” ઈચ્છાનું વજન ,
કૂખ કાણી નાવ ઝોલાં ખાય છે !
!~~ ચિનુ મોદી (ઈર્શાદ) ~~!
છે હજી “ઈર્શાદ” ઈચ્છાનું વજન ,
કૂખ કાણી નાવ ઝોલાં ખાય છે !
-ક્યા બાત કહી !
હાથ ક્યાં ક્યારેય તે લંબાય છે,
સ્વિચ સાલી, ઓફ જાતે થાય છે !
ભુતપુર્વ (!) ઈલેક્ટ્રીકલ એન્જીનીયરની રુએ આ શેર બહુ ગમ્યો. જો કે હજુ સ્વીચ મોડી ‘ઓફ’ થાય તો સારું , એમ થાય !
છેલ્લો શેર ઉપરથી ગયો. કોઈ સમજાવશે ?
મજાની ગઝલ…
જીવનતણી નાવ એક તો પહેલેથી કાણી છે અને ઉપર થી આ બધી ઇચ્છાઓનું વજન.. કેમ કરી પાર થશે !!! મને તો આવું કંઈક સમજાયું સુરેશકાકા…