હાથમાં કારોબાર રાખ્યો તેં - મનોજ ખંડેરિયા November 6, 2007
Posted by Bhavin Gohil in અન્ય...trackback
હાથમાં કારોબાર રાખ્યો તેં,
ને મને બારોબાર રાખ્યો તેં,
એક ડગ છૂટથી ભરી ન શકું,
ખીણની ધારો ધાર રાખ્યો તેં,
કોણ છું કોઈ દી’ કળી ન શકું,
ભેદ પણ ભારોભાર રાખ્યો તેં,
આંખમાં દઈ નિરાંતનું સપનું,
દોડતો મારોમાર રાખ્યો તેં,
શ્વાસની સાથે જ ઉચ્છવાસ દીધા,
મોતની હારોહાર રાખ્યો તેં
!!~~ શ્રી મનોજ ખંડેરિયા ~~!!
સાચે જ ઉત્તમ રચના!
vaah !
barobar dilma …..
bharobhar pakdi rakhe chhe !
શ્વાસની સાથે જ ઉચ્છવાસ દીધા,
મોતની હારોહાર રાખ્યો તેં
વાહ! સુંદર ગઝલ!
એકે એક શેર બળુકો છે. માનવજીવનની નીયતીનો સચોટ ચીતાર.
આંખમાં દઈ નિરાંતનું સપનું,
દોડતો મારોમાર રાખ્યો તેં,
આ શેર સૌથી વધારે ગમ્યો.