jump to navigation

સમજાવી નથી શકતો – ‘મરીઝ’ સપ્ટેમ્બર 12, 2007

Posted by Bhavin Gohil in મરી઼ઝ.
trackback

ગઝલમાં સૌ વિચારો મારા દર્શાવી નથી શકતો;
ઘણું સમજું છું એવું જે હું સમજાવી નથી શકતો.

ન સ્પર્શી કોઈ અવગણના કદી પણ મારા ગૌરવને,
કે હું ઉપકાર છું એવો જે યાદ આવી નથી શકતો.

ગયો ને જાય છે દુ:ખનો સમય એક જ દિલાસા પર,
કે વીતેલો સમય પાછો કદી આવી નથી શકતો.

તમે આવ્યાં હતાં પાછા જવાને તો ભલે જાઓ,
તમે મારું જીવન છો તમને થોભાવી નથી શકતો.

તમે કાલે હતાં કેવાં અને આજે થયાં કેવાં,
તમારી સાથ પણ હું તમને સરખાવી નથી શક્તો.

બહાનું કેમ શોધું હું ‘મરીઝ’ એના મિલન કાજે,
નિખાલસ છું હું તેથી વાત ઊપજાવી નથી શકતો.

Advertisements

ટિપ્પણીઓ»

1. સુરેશ જાની - સપ્ટેમ્બર 12, 2007

મરીઝ એટલે ‘મરીઝ’ નહીં પણ હકીમ!

2. hemantpunekar - સપ્ટેમ્બર 13, 2007

ગઝલમાં સૌ વિચારો મારા દર્શાવી નથી શકતો;
ઘણું સમજું છું એવું જે હું સમજાવી નથી શકતો.

ગઝલ લખતી વખતે આ તકલીફ થાય છે, ખાસ કરીને રદીફ કાફિયા અને છંદના બંધનો ગઝલકારને બંધનમાં નાખી દેતા હોય છે. એ વાતને પણ મરીઝે ગઝલમાં મૂકી દીધી છે. વાહ!

3. chetu - સપ્ટેમ્બર 13, 2007

ગઝલમાં સૌ વિચારો મારા દર્શાવી નથી શકતો;
ઘણું સમજું છું એવું જે હું સમજાવી નથી શકતો.

તમે આવ્યાં હતાં પાછા જવાને તો ભલે જાઓ,
તમે મારું જીવન છો તમને થોભાવી નથી શકતો.

તમે કાલે હતાં કેવાં અને આજે થયાં કેવાં,
તમારી સાથ પણ હું તમને સરખાવી નથી શક્તો.

એક્દમ સરસ …!!

4. chetu - સપ્ટેમ્બર 13, 2007

એક્દમ સરસ્ ..!


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: